Samantha Meyer is verlede Vrydag in die Oudtshoorn-streekhof tot vyf jaar gevangenisstraf gevonnis ná die dood van die 24-jarige onderwyser Peter-John Sauls in ’n botsing op 8 November 2024 by die kruising van Voortrekkerweg en Randstraat in Oudtshoorn.
Die hof het gehoor dat Meyer, wat skuldig gepleit het op aanklagte van strafbare manslag, dronkbestuur en nalatige bestuur, ná die ongeluk met haar Audi teen ongeveer 150 km/u gery het nadat sy vroeër die dag alkohol gedrink het. Sauls se Volkswagen Golf het ná die botsing aan die brand geslaan, en hy is op die toneel dood verklaar.
Streeklanddros Ntsoki Moni het bevind dat die optrede ’n ernstige graad van nalatigheid toon en dat ’n opgeskorte vonnis nie gepas sou wees nie. Meyer se bestuurslisensie is ook vir twee jaar opgeskort.
Die hof het verder ’n bykomende ses jaar tronkstraf, wat vir vyf jaar opgeskort is, opgelê. (GARNETT WICOMB)
Lees ook:
Klag van strafbare manslag weer op klagstaat teen Meyer
Nerené wys veggees ná ernstige motorongeluk
Dubbele Dysselsdorp tref en trap ongelukke skok