DIE elfjarige Zerwich Westraad het oor die naweek van 14 en 15 Mei nog ’n tennistitel agter sy naam geskryf toe hy die TSA Eden Mini 4-toernooi op George gewen het.
Zerwich was eerste gekeur in die afdeling vir seuns o.12, en het in ’n taai eindstryd vir Konrad Gouws van Uitenhage met 6-4, 5-7 en 10-6 ge-klop.
Hy het in die halfeindstryd vir Onothando Makhele van George met 6-4, 6-1 geklop.
In sy eerste wedstryd van die toernooi het hy met 6-1, 6-1 teen Allen Gouws van Uitenhage geseëvier.
Volgens Zerwich se afrigter, Johann Koch van JK Tennis, was dit Zerwich se tweede goue titel van die jaar nadat hy vroeër vanjaar ook ’n toernooi in Port Elizabeth gewen het. (Deur Garnett Wicomb)
Nog ’n titel vir jong Zernich
Zerwich Westraad saam met sy afrigter, Johann Koch. Foto: Garnett Wicomb