BASKETBALSPANNE in die Eden Distrik kon die naweek, ná langer as ’n jaar en ’n half se geen aksie op die bane, uiteindelik weer meeding, al was dit net om die spel te kan geniet.
Spanne van Oudtshoorn, Dysselsdorp, George en Knysna het Saterdag (28 Augustus) op die Hornlee Sportgronde in Knysna toegesak vir ’n vriendskaplike toernooi wat deur Deswin Tellamagies, president van die Eden Basketbalvereniging, gereël is.
Weens die slegte weer kon daar egter net twee wedstryde gespeel word, en dit was in hierdie wedstryde dat Oudtshoorn se spanne; Bridgton Sekondêre Skool (BSS) en Bridgton Basketbalklub (BBK) se senior span, gewys het waarvan hulle gemaak is.
BSS het hul wedstryd teen ’n span van George oortuigend met 72 – 0 gewen. BBK het op sy beurt met 42-10 afgereken met nog ’n span van George. (Deur Stefan Skapie Goosen)
Eden basketbalspanne sien aksie
Picasso Louw (bo) en Zeke Janse (onder), albei van Bridgton Sekondêre Skool se basketbalspan, uitoorlê hul teenstanders van George met bal in hand. Foto’s: Ebenezer Titus