Drie Ysterman-vroue van Oudtshoorn het verlede naweek die eerste plek in die afdeling vir vroue-aflosspan in die Isuzu Ironman 70,3 in Mosselbaai gewen.
Team Bliss, bestaande uit Yolande de Villiers, Rouxle Cilliers en Elizabeth Lourens, was die eerste vroue-aflosspan oor die wenstreep met ’n tyd van 5:29:29. Algeheel het hulle 145ste uit 1 983 spanne geëindig.
In die aflos het Rouxle 1,9 km geswem. Yolande het die 90 km fietswedren gery en Elizabeth het die 21,1 km halfmaraton kafgedraf. (LINDI BRILL)
Drie Oudtshoorniete draf Ironman kaf
Yolande de Villiers, Rouxle Cilliers en Elizabeth Lourens van Team Bliss het eerste plek gewen in die Vroue-aflos. Foto: Verskaf