Alan Louw, ’n besoeker van Faku Chiefs, het Saterdag se 345ste Oudtshoorn Parkrun by die Surval Olyflandgoed met ’n tyd van 21 minute 10 sekondes gewen.
Stiaan van Wyk, ’n junior, was tweede en Alex Smith derde. Die 14-jarige Nina Cloete (foto bo), wat aan haar derde parkrun deelgeneem het, was sesde algeheel en die vrouewenner met haar tyd van 26 minute 54 sekondes. Talle parkrunners van die Hart & Bosch Village Parkrun, Mosselbaai was onder die 54 deelnemers van die dag.
Van hulle was die Raath egpaar, Cornelius en Estelle, wat hul 200ste parkrun voltooi het.
Die voorste twintig drawwers was Alan Louw (21:10), Stiaan van Wyk (21:22), Alex Smith (22:30), Johann Truter (25:23), Harry van Bebber (26:04), Nina Cloete (26:54), Jaco Erasmus (27:36), Johann Coetzer (28:02), Brian Arentsen (28:38), Nico Myburgh (29:36), Mathys Myburgh (29:53), Melanie Fourie (30:55), Alexander van Wyk (31:09), Kruge Roeloffze (32:02), Michelle Louw (32:08), Karen Styles (32:33), Jan Glaser (32:54), Gerhardus Sonnekus (33:34), Schalk Cloete (33:45) en André du Toit (34:21). (Deur Garnett Wicomb)
Besoeker 1ste in Parkrun
Nina Cloete