Outshoorn nie die duurste, sê burgemeester

’n Tabel met vergelykende syfers van Suid-Kaapse dorpe verskaf deur die Groter Oudtshoorn Munisipaliteit.

DIE Groter Oudtshoorn Munisipaliteit het ’n vergelykende tabel van die tariewe van dorpe in die Tuinroete Distrik opgestel na aanleiding van herhaalde aantygings van inwoners en politieke groepe dat Oudtshoorn “die duurste dorp” in die Suid-Kaap is.

Volgens die burgemeester, Chris Macpherson, word tariewe in die tabel vergelyk, maar word ook byvoorbeeld aangedui wat dit jou gemiddeld sal kos om ’n eiendom in een van die dorpe te koop. In die geval is Oudtshoorn duidelik nie die “duurste dorp nie, maar die “goedkoopste” dorp.

Macpherson sê die tabelle toon ook die aantal deernis-huishoudings in elke dorp. Volgens hom is gesprekke reeds aan die gang om te bepaal waarom Oudtshoorn veel minder geld as byvoorbeeld Bitou (Plettenbergbaai) van die regering ontvang ten spyte daarvan dat daar veel meer deernishuishoudings en inwoners in Oudtshoorn is, iets wat gewoonlik as maatstaf vir befondsing gebruik word.

“Volgens die tabel is Oudtshoorn om die waarheid te sê die tweede goedkoopste dorp in die Suid-Kaap wat dienste betref, en is dit ten opsigte van al hul dienste net R72 per maand duurder as Mosselbaai.” (Deur Liesel le Roux)

Be the first to comment on "Outshoorn nie die duurste, sê burgemeester"

Leave a comment

Your email address will not be published.


*