DIE Ladismith Polisie het meer as die handhawing van wet en orde ten doel. Hulle het bewus geword van die finansiële nood van die plaaslike Kindersorgorganisasie en besluit om in te gryp en fondse in te samel met ’n pretloop op 28 September. Met verskeie borge wat betrokke geraak het, is R23 000 reeds ingesamel.
Dié pretloop sluit twee roetes in, een oor sowat 50 km vanaf Vanwyksdorp en ’n korter een. Daar word beoog om skole en sowat 100 deelne- mers te betrek. Die langer roete sal deur sewe lede van die polisie en drie van die publiek gestap word. Die korter roete, wat veral op leerders fokus, sal in Albertstraat wegspring en via Elandsvlei weer in Albertstraat eindig. (Deur Deon Meyer)
Ladismith Polisie samel fondse in
