• Seun voltooi woedebeheer-program suksesvol
Deur Ilze-Mari Gründling
DIE saak teen ’n graad 9-leerder wat na bewering ’n 17-jarige seun op 6 Februarie 2017 by Hoërskool Calitzdorp met ’n skêr gesteek het, is op 20 April deur die Calitzdorp Landdroshof teruggetrek.
Volgens Millicent Merton, woordvoerder van die Wes-Kaapse Onderwysdepartement (WKOD), het die graad 9 -leerder in opdrag van die hof ’n woedebeheer-program suksesvol voltooi. Hy is steeds ’n leerder van die skool.
“Die hof het die aanklag teruggetrek op grond van ’n positiewe vorderingsverslag en omdat hierdie voorval sy eerste oortreding was,” het Merton gesê.
Die leerder vaar volgens sy pa tans akademies baie goed op skool en geniet dit om skolerugby te speel.
