Deur Garnett Wicomb
DIE saak teen drie mans van Rose Valley in Oudtshoorn wat tereg gestaan het op twee klagtes van huisbraak en diefstal en lank in aan- houding was, is in die Oudtshoorn Distrikshof van die hofrol verwyder omdat die dossier soek geraak het.
Cecil Bosman en die broers, Brendon en Lorenzo Horne is daarvan aangekla dat hulle by die woning van Macdilene Korkee ingebreek en onder meer ’n DVD-speler, beddegoed, sonbrille, skoene en ’n strykyster gesteel het. Nadat hulle op borg vrygelaat is, het hulle by Sam’s Clothing in Hoogstraat ingebreek.
Landdros Johan Steynberg het die saak op versoek van die drie se regsverteenwoordiger, Veronique Odendaal van die Regshulpraad, van die hofrol verwyder en hulle vrygelaat omdat die dossier nêrens te vinde is nie.
