VERSKEIE strate in Oudtshoorn sal weer vanjaar vir die duur van die KKNK gesluit wees vir verkeer.
Die strate sal gesluit wees vanaf 00:00 op Donderdag 29 Maart tot om 18:00 op Donderdag 5 April 2018:
Die strate is:
• Langenhovenweg, wat vanaf die Departement Onderwys se gebou op die hoek met Vredestraat tot by Voortrekkerweg gesluit word.
• Vredestraat, wat vanaf Langenhovenweg tot by die bruggie oor die Grobbelaarsrivier gesluit sal wees.
• Baron van Reedestraat, wat tussen Voortrekkerweg en St Johnstraat gesluit sal wees.
• Olivierstraat tussen Baron van Reedestraat en die Checkers-parkeerterrein.
• Queenslaan tussen die Pick n Pay-parkeerterrein en Baron van Reedestraat.
Navrae oor dié straatsluitings kan gerig word aan die munisipale verkeersafdeling by sel 076 226 1707 of by tel 044 203 3000.
