ZERWICH WESTRAAD (11) van Oudtshoorn het die naweek (4 tot 6 Maart) in Gqeberha aan die Nelson Mandela Bay TSA Mini-tennistoernooi deelgeneem en die o.12-enkelspeltitel ingepalm.
Hy het sy teenstander, Rowan Kieck in ’n taai eindstryd met 4-6, 6-2 en 13-11 geklop.
Zerwich het sy kwarteindstryd met 6-1 en 6-4 gewen, en in die halfeindstryd vir Alexander Hurter van Gqeberha met dieselfde telling uitgeskakel.
Dié kranige jong tennisspeler speel volgens sy afrigter, Johann Koch van JK Tennis, slegs 18 maande-lank tennis, wat sy prestasie beslis merkwaardig maak, het Koch gesê. (Deur Garnett Wicomb)
Zerwich skop stof in teenstanders se oë
Zerwich Westraad saam met sy afrigter, Johann Koch. (Foto verskaf)