Oudtshoorn verwelkom Wes-Kaap fietsryers

’n Peleton fietsryers wat die 116 km afstand aandurf. Foto: Drone Master SA

Fietsryers vanoor die Wes-Kaap heen het die afgelope Saterdag en Sondag buite Oudtshoorn in ideale koel weersomstandighede aan die Wes-Kaapse fietsrykampioenskappe deelgeneem.

Tydtoetse met 105 deelnemers het Saterdag plaasgevind en op Sondag het 242 fietsryers aan die padwedrenne deelgeneem. Die wedrenne het by Highgate volstruisplaas weggespring en ge-ëindig.

Die tydrenne het oor 10 km, 15 km en 20 km plaasgevind terwyl die padwedrenne uit roetes van 16 km, 39 km, 78 km en 116 km bestaan het.

Daar was 26 kategorieë vir mans en dames. Die volledige uitslae is op Die Hoorn se webtuiste by www.diehoorn.com beskikbaar.