Die manne van die Oudtshoorn Rugbyklub se eerste en tweede spanne het verlede Saterdag 21 Junie, met spanne van Willowmore afgereken, tydens hul wedstryde op Waza-park in Willowmore.
Die eerste span het hul wedstryd met 33-23 gewen en die tweede span het ʼn oorwinning van 13-8 beklink.
Die spanne het ook geskiedenis gemaak deurdat hulle vir die heel eerste keer die Willowmore-spanne gewen het.
Hul eerste rondte ligawedstryde is nou eers op die einde.
Die tweede rondte in die liga hervat weer op 5 Julie by die Rec op Oudtshoorn.
Die liga word dan afgeskop met die eerste wedstryd teen Dysselsdorp. (ANGELIQUE ERASMUS)