Oudtshoorn se 1ste rugbyspan het op Saterdag 5 Julie, die 2de rondte van hul liga, en hul eerste wedstyd teen Dysselsdorp, op ’n hoogtepunt afgeskop.
Hulle het met ’n telling van 22-3 met hul teenstaanders afgereken. Mehrten Goliath, Jaco Marx en Ryan Botha het elkeen ’n drie gedruk, terwyl Charlton Prinsloo gesorg het vir 3 doelskoppe waarvan een ’n strafskop was.
Die tweedespan het ongelukkig hul wedstryd verloor met ’n telling van 21-15 in Dysselsdorp se guns.
“Ongelukkig het die telling nie ons gees weerspieël nie, julle het karakter en veggees gewys en ons is trots op julle!” het Jene Snyman, bestuurslid van Oudtshoorn RFC gesê. Volgende lê vyf tuis wedstryde vir Oudts-hoorn RFC voor. (ANGELIQUE ERASMUS)
Oudtshoorn RFC wen
Oudtshoorn RFC se 1ste rugbyspan na hul oorwinning Saterdag teen Dysselsdorp. Foto verskaf