Booi Salman (middel), wenner van Saterdag se 209de Oudtshoorn Parkrun saam met Markus Viljoen (links) wat tweede was en Greens Groenewald, wat derde was. Foto’s: Garnett Wicomb
Vrouewenner, Bianca van der Westhuizen met haar prys.
Deur Garnett Wicomb
OUDTSHOORN Parkrun het sy 4de verjaardag Saterdag met ’n rekordgetal deelnemers van 163, talle pryse, kolwyntjies en sappe gevier.
Daarby was deel van die 5 km-roete en eindpunt versier met kleurvolle balonne.
Booi Salman was die wenner van die 209de Oudtshoorn Parkrun met die junior Markus Viljoen wat tweede was en Greens Groenewald in die derde plek. Nog ’n junior, Jared Jordaan was vierde.
Die veteraan Patrick Pieters was 5de.
Bianca van der Westhuizen was weer die eerste vrou by die eindpunt met Rozanne Theart in die 2de plek.
Saterdag se beste tye is soos volg:
Booi Salman (18:12), Markus Viljoen (18:45), Greens Groenewald (19:50), Jarred Jordaan (20:21), Patrick Pieters (20:50), Christo Plessis (20:54), Thys Jamneck (22:10), Breunis van Lutterveld (22:13), Johan Lingervelder (22:31), Christo Theart (23:35), Bianca van der Westhuizen (23:43), Pieter Barnard (23:50), Frikkie Kock (24:00), Jacques Jacobs (24:12), Nicol van Rhyn (24:19), Albertus Kennedy (24:44), Rozanne Theart (25:11), Henry Carstens (25:25), Leslie Abrahams (25:33), Francois le Roux (25:34).
Die organiseerders het hul dank uitgespreek teenoor al die borge wat die dag onvergeetlik gemaak het.
Stephan Viljoen, wie se linkerbeen geampu-teer is, het saam met sy vrou, Jaquelene, Saterdag vir die eerste keer deelgeneem.