SATERDAG (9 Julie) is op Oudtshoorn gekenmerk deur die reuk van petroldampe en die klank van brullende, warmgemaakte enjins wat honderde motorwedrengeesdriftiges van hier en elders na die dorp se RedRock Raceway gelok het.
Die jaarlikse Richard Griessen Repairs Klein Karoo Kampioenskappe het op die ovaalbaan, voorheen bekend as die Arnold de Jager Renbaan, afgespeel met talle inskrywings van renjaers van regoor die land.
Nadat die stof uiteindelik laat die aand bedaar het, is kampioene in nie minder nie as 17 klasse bekroon.
Hiermee die uitslae per klas, van eerste tot derde:
• SWD ontwikkelingsklas – Shaun Rheeder, Christo Beneke, Cobus Neethling.
• Stockrods – Christo Croucamp, Ruane Chippie Bekker, Nastasha Whitehorn.
• 1660’s – Izaan Keller, Tersius van Tonder, Cornel Nortje.
• V8 American Saloons – Johan Coetzer, Manfred Oehl, Lucius Fourie.
• Heavy Metals – André Keller, William Steyn, JP Coetzee.
• Junior Minis – Divan Meyer, Connor-Lemar Boyes, Chayton Collins.
• Senior Minis – Grant van der Westhuizen.
• Junior Hotrods – Leon Fouche Jnr, Zanco Els, MJ van der Westhuizen.
• Hotrods – Tersius Van Tonder, Elru “Leeulopie” Viljoen, Hendricus Botha.
• 2.1 Modifieds – Daniel Renison, Christopher Burisch, Theo Loubser.
• Lexus V8s – Albert Olivier Jnr, Jaco Snyders, Jaco GJ Maas.
• V8 Sprints – Kenny Gouws, Morné Herholdt, Daleen Gouws.
• Midgets A – De Wet Britz, Theo Oberholzer, Schalk Swart.
• Midgets B – Yolandi Venter, Hennie Pretorius, Ruan Slabber.
• Pink Divas – Vicki Meyer, Annuschké Landman, Shanene Collins.
• Pinkrods – Charné Schuin, Bianca Westraadt, Nadia Rautenbach.
• Pinkstocks – Chanté Elford, Clarizka Havenga, Sylvia van Hoogen. (Deur Stefan Skapie Goosen)