Die wenners van Saterdag se vleisgholfdag is van naaslinks Alan Fortuin (wenner), Louis Fourie (naaswenner) en Jurgens Burger (derde). Paul Stroebel, klubkaptein, staan links. Foto: Higgo Jacobs
Deur Higgo Jacobs
Alan Fortuin was Saterdag weer aan die wenkant toe hy Oudtshoorn Gholfklub se vleisgholfdag met ’n telling van 39 punte gewen het.
Louis Fourie jr (38 punte) was die naaswenner, gevolg deur Jurgens Burger (37 punte), en Llewellyn Rheeder en Rudi Mortlock, albei met 36 punte op ’n uittel vierde en vyfde.
William Phillipus het die boerpot gewen.
Reinhardt van Coller het op die 8ste putjie die naaste aan die pen geslaan.
Rheeder en Van Coller het elk ’n spogtwee op die 8ste putjie geslaan en Fourie en Mortlock het dit op die 15de putjie gedoen.