DIE twee ligaspanne van die Wesbank Tennisklub het Saterdag (12 November) gemengde sukses behaal in hul wedstryde in die Eden Senior Tennisverenigingkompetisie.
Rietbron se eersteliga mansspan het Wesbank se A-span in ‘n spannende wedstryd, wat tot die einde in die weegskaal was, met 3-2 geklop terwyl die tweedeliga vrouespan van Wesbank vir Beaufort-Wes oortuigend met 4-0 verslaan het.
In die manswedstryd het die besoekers die enkelepslle gewen toe Albert Eybers vir Zander Petzer met 6-2, 6-2 geklop het en Kurt Eybers vir Marcel Petzer met 6-1, 6-3. Wesbank het terug geslaan deur die volgende twee dubbels te wen.
Jacques de Beer en Josh Daniel het William Eybers en Tiaan Theron maklik met 6-0, 6-1 geklop waarna De Beer en Petzer in drie stelle met Albert en William Eybers afgereken het.
In die beslissende wedstryd het Rietbron se Kurt Eybers en Tiaan Theron met 6-1, 6-2 oor Marcel Petzer en Josh Daniel geseëvier.
Die tellings in die wedstryd tussen die vroue is soos volg:
Rida Bester en Elmarie Lategan klop Valerie Goliath en Agatha van Staden 6-0, 6-1; Hanlé Cronje en Trudene Forward klop Minjon De Vos en Tanique van Staden 6-1, 6-0; Rida Bester en Hanlé Cronje klop Agatha van Staden en Minjon De Vos 6-1, 6-1; Elmarie Lategan en Trudene Forward klop Valerie Goliath en Tanique van Staden 6-2, 6-2. (Deur Garnett Wicomb)
Gemengde sukses vir Wesbank Tennisklub teen besoekers
Die mans eersteligaspanne van Rietbron en Wesbank is voor van links Marcel Petzer, Tiaan Theron (Rietbron-kaptein), Jacques de Beer (Wesbank-kaptein) en Albert Eybers. Agter van links staan Kurt Eybers, Josh Daniel, Zander Petzer en William Eybers.
Foto: Garnett Wicomb