Michael Eksteen is vir ’n tweede termyn as president van Suid Westelike Distrik (SWD) Krieket herkies. Die verkiesing het plaasgevind tydens die 13de jaarlikse algemene vergadering van SWD krieket (Niewinsgewende Maatskappy), wat Saterdag 15 Augustus 2026 by die SWD Krieketkantore gehou is.
Eksteen se herverkiesing bring kontinuïteit aan die bestuur van SWD Krieket, terwyl verskeie nuwe en bestaande bestuurslede ook tydens die vergadering aangewys is. Katrisha Strydom is as die nuwe vise-president van die raad verkies.
Haar verkiesing is een van die belangrikste veranderinge in die nuwe bestuursamestelling en bring verdere verteenwoordiging op die raad mee. Luzuko Mralasi en Mornay Stuurman is, saam met Eksteen en Strydom, as nie-onafhanklike direkteure herkies. Mario Jansen is intussen as ’n nuwe nie-onafhanklike direkteur verkies.
Die twee onafhanklike direkteure, J-P Rossouw en Loyiso Shoto, is albei vir verdere termyne heraangestel. Rossouw dien as voorsitter van die Oudit- en Risikokomitee, terwyl Shoto voorsitter van die Komitee vir Diversiteit, Gelykheid en Inklusiwiteit is.
Die samestelling van die nuwe raad bied volgens SWD Krieket ’n kombinasie van ervaring en nuwe perspektiewe. Die herverkiesing van bestaande direkteure verseker dat waardevolle kennis en kontinuïteit behoue bly, terwyl die verkiesing van Strydom en Jansen nuwe energie tot die bestuur kan toevoeg.
Met Eksteen wat sy tweede termyn as president aanpak, sal die fokus na verwagting voortgaan op die verdere ontwikkeling van krieket binne die Suidwes-Distrikte.
Die bestuur speel ’n belangrike rol in die strategiese leiding van die provinsiale krieketstruktuur en die bevordering van die sport op verskillende vlakke.
Die 13de algemene jaar vergadering het dus nie net die nuwe bestuursamestelling bevestig nie, maar ook die grondslag gelê vir die volgende termyn van SWD Krieket se leierskap.
Met ’n mengsel van gevestigde en nuwe gesigte aan die stuur, begin Eksteen en sy raad nou aan ’n nuwe hoofstuk in die orga-nisasie se bestuur.
Eksteen herkies as president van SWD Krieket
Foto verskaf
Be the first to comment on "Eksteen herkies as president van SWD Krieket"