Besoeker wen 273ste Oudtshoorn Parkrun

Cameron Joseph, ’n besoeker van Kaapstad, was Saterdag (12 Februarie) met sy eerste deelname aan ’n Parkrun, die wenner van die 273ste Oudtshoorn Parkrun by Surval Olyflandgoed.

Joseph het die 5 km-wedloop in 22 minute 50 sekondes gewen.

Johann Coetzer (25:35) was tweede, Mathys Myburgh (26:35) derde en Abraham Hendricks (26:48) vierde.

Tarren Jullies (26:49) was vyfde algeheel en die wenner van die vroue, met die 16-jarige Benjamin Brand (29:22), en die eerste junior deelnemer, sesde.

Hierna het gevolg David Brand (29:23), Kruge Roeloffze (31:25), Michael Brand (31:33), Johan André du Preez (31:45), Bart Saaiman (31:49), Henry Carstens (31:53), Conrad Jullies (34:44), Franco Persello (35:56), en Louise van Weele (36:04).
• Die Oudtshoorn Parkrun word elke Saterdagoggend by Surval Olyflandgoed aangebied. Wegspringtyd is om 07:00, deelname is gratis en almal is welkom. (Deur Garnett Wicomb)