Regstelling oor Cornél

DAAR het in verlede week se uitgawe van Die Hoorn ’n fout ingeglip toe daar na een van die Hoërskool Oudtshoorn se toppres­teerders, Cornél Kruger, verwys is as “hy”, terwyl Cornél duidelik ’n “sy” is. Die Hoorn vra verskoning vir dié oorsig. Hiermee die veranderde teks oor Cornél ra­kende haar matriekprestasie en toekomsplanne:

Met ’n paar honderdstes van ’n persenta­siepunt minder as Sebastiaan is Cornél Kru­ger (19) in die vierde plek, met ’n gemiddeld van 85,43%. Cornél het A’s behaal vir rekening­kunde, besigheidstu­dies, Engels eerste addisionele taal, Afrikaans huistaal en lewensoriëntering. Sy gaan lewens­wetenskappe laat hernasien met die hoop om nog ’n A te kry, voeg sy by.

Cornél sê sy gaan vanjaar internasio­nale besigheidsbestuur by Stellenbosch Universiteit studeer. “Ek wil eendag my eie internasionale handelsmerk begin en droom om ’n gimnasium en gesondheidswinkel te begin,” vertel sy.

• 
• 
• 
•