Die perdryer Almarie Nel het van 7 tot 9 Oktober as deel van die WP-span aan SAIC se interprovinsiale byeenkoms in Kathu deelgeneem.
Shané Visser het SA-kleure in skaak behaal en het Suid-Afrika in Augustus by die 2021 FIDE Online
World Cadets & Youth Rapid World Cup verteenwoordig.
Links: Die muurbalspeler Wian Espach het van 24 tot 26 September aan ’n interprovinsiale toernooi in Gauteng
deelgeneem as lid van die SA-plattelandspan. Die span het tweede geëindig en Wian het slegs een wedstryd verloor.
Twee van Gim Skryfkring se lede, Aliyah Cremer (links) en Janique Meyer (regs), het aan die INK Skryfkompetisie
2021 deelgeneem. Drie van Aliyah en eenvan Janique se gedigte gaan in die bundel Inkspraak2 opgeneem word.
Albei leerders is uitgenooi na die Prestige Gala-aand in Centurion, Gauteng op 13 November 2021. Van me.
Ellari Campbell, onderwyser en sameroeper van die skryfkring, word daar ook ’n gedig en kortverhaal in die bundel opgeneem.