DIE Oudtshoorn Polisie het het identikits vrygestel van twee mans wat na bewering betrokke was by ’n voorval waartydens ’n 14-jarige meisie in ’n oop veld agter die Bongolethu Stadion op Oudtshoorn beroof en verkrag is.
Volgens kapt Louis Visser, woordvoerder van die Oudtshoorn Polisie, is die meisie na bewering deur vyf onbekende mans beroof en het een van hulle haar verkrag.
Die beweerde voorval het op 28 Junie 2020 omstreeks 01:00 die nag plaasgevind.
Enigiemand met inligting word versoek om die ondersoekbeampte, ao Franco Bestbier, by sel 083 547 7086 te bel.
• Die polisie vra ook dat die gemeenskap hul bystaan met inligting na die verkragting van ’n 19-jarige vrou deur ’n onbekende bruin man Sondag-aand (2 Augustus 2020) by die kanaal te Raubenheimerstraat in Dysselsdorp.
Enigiemand met inligting kan die ondersoekbeampte, sersant Kammies, kontak by 073 293 1591 of die kantoor van die Gesinsgeweld-eenheid by tel 044 203 7500.
