Hierdie gevaarlike voertuig is die Rogue Rat Rod, gebou deur Rat Rods for Africa, en het Saterdag (29 Mei) in Calitzdorp se hoofstraat gestaan, soos vele ander voertuie wat regoor die dorp as deel van die Klein Karoo Classic Car and Bike Festival te sien was. Duidelik opgekap en aanmekaar gesit soos ’n wafferse ‘Frankenstein’s Monster’ is die Rogue Rat Rod deels ’n 1955 Commer Superpoise-bakkie, en deels Chevrolet. Die bakwerk self is ’n opgekapte en gesnyde Commer-bakkie, terwyl die voertuig se krag gelewer word deur ’n 1976 4.1-liter ses-silinder Chevrolet-enjin. Die dak self is 160 mm verlaag, en die ratkas is ’n herboude ‘turbo 350 automatic’. Hierdie ‘rat rod’ het selfs ’n geweer (wat nie werk nie) en spinnekop-met-spinnerak-versiering om visueel ’n groter impak te lewer! Foto’s: Stefan Skapie Goosen
Ou motors in kollig by Klein Karoo Classic Car & Bike Festival
Bo en onder: Van die ander klassieke voertuie wat tydens die Klein Karoo Classic Car and Bike Festival in Calitzdorp se strate geparkeer was.
