’N VIERING van Nicole Mienie se lewe vind Saterdag (17 September) om 11:00 by die Helende Woord Bediening in Jonesstraat 3 op Oudtshoorn plaas.
Nicole (21), wat in Mei vanjaar van Oudtshoorn na Namibië verhuis het nadat sy as vliëenier by Scenic Air Namibia begin werk het, is op 30 Augustus saam met vier Duitse toeriste oorlede toe die vliegtuig waarmee hulle gereis het, in die Zambesirivier neergestort het.
Die oorsaak van die ongeluk word nog ondersoek.
Mense word genooi om vrolik aan te trek na die viering van haar lewe en daardeur Nicole se “sprankel te vier.”
Nicole se ouers, Nico en Alicia Mienie wat op Oudtshoorn woon, het vroeër vandeesweek Namibië besoek. Tydens hul besoek het hulle Maandag ook ’n vieringsbyeenkoms vir Nicole bygewoon wat deur Scenic Air gereël is.
Nicole se lewe gevier
Nicole Mienie (21). Foto: Facebook