Munisipale bestuurder: Aanstellingsproses gaan eers voort, maar word later gestaak

DAAR het Woensdag (29 Junie) geen verslag voor die Groter Oudtshoorn-raad gedien oor beweerde inmenging in die aanstellingsproses van ’n muni­sipale bestuurder vir die dorp nie.

Aurelia Mle, woordvoerder van die Groter Oudts­hoorn Munisipaliteit, het verlede week aan­gedui dat die burgemeester, Chad Louw, by dié vergadering sou verslag lewer oor die aanstellings­proses wat “gekompromitteer” is. By Woensdag se raadsvergadering is egter aanvanklik aangedui dat geen verslag sal dien nie en die aanstellingsproses voortgaan.

Nadat die DA in koalisie met Icosa, die VF Plus en Saamstaan egter laatmiddag beheer van die raad oorgeneem het, het die nuwe koalisie besluit dat die aanstellingsproses om ’n munisipale bestuurder aan te stel, eers ge­staak moet word. (Berig opgedateer sedert aanvanklike plasing)