DA se nuwe kiesafdelingshoofde

Heel links: Okkie Terblanche, die DA se nuwe kiesaf­delings­hoof vir Oudts­hoorn. Links: Eleanor Bouw-Spies, die DA se nuwe kiesaf­delings­hoof vir Kannaland.

DIE DA het met ingang 1 Februarie nuwe kies­afdelingshoofde vir Oudts­hoorn en Kannaland aangestel.

Eleanor Bouw-Spies, wat die afgelope aantal jaar Oudtshoorn se kiesafdelingshoof was, neem nou die teuels in Kannaland oor, terwyl Okkie Terblanche aangestel is as Oudtshoorn se nuwe kiesafdelingshoof.

Terblanche, wat ook al kiesafdelingshoof was van George, Mosselbaai, Swellendam en Prins Albert, vertel hy is ’n oud-leerder van die Hoër Tegniese Skool Oudtshoorn. Hy is ’n oud-generaal in die polisie en het na sy aftrede in 2010 na Mosselbaai verhuis.

Hy is ook ’n DA-parlementslid en die DA se adjunk-ska­duminister van Polisie.