BRUIS Tydskrif verjaar!
Kom vier dit saam met ons op die pragtige Celebratio-granaatplaas naby Oudtshoorn.
Bruis word drie! Om ons verjaardag te vier en ook sommer die lewe en die lente, bied ons ’n heerlike kuieroggend en laatontbyt aan in die pragtige Klein-Karoo met Amore Bekker, gewilde radio-omroeper en motiveringspreker, en Antoinette Pienaar, kruiekenner, as sprekers. Jannie Moolman gaan gaste met sy fenomenale sangstem vermaak en Amy Kleinhans-Curd, voormalige Mej Suid-Afrika, gaan ’n nuwe reeks granaatskoonheidsprodukte bekend stel. Die befaamde akteurspaar Johan en Lida Botha is ons eregaste.
Heerlike eetgoed word voorgesit met wyn van De Krans Wines, gin van Grundheim Wines en granaatsap. Beperkte kaartjies beskikbaar by Sandra by 063 065 4875 of stuur ‘n e-pos na bruis@bruis.co.za.
Datum: Saterdag 16 September; Tyd: 10:00 tot 13:00; Koste: R400 per persoon.
Om te bespreek: Stuur ’n e-pos na bruis@bruis.co.za – merk dit Bruis Kuier of stuur ’n WhatsApp na 063 065 4875 of bel Sandra by 063 065 4875.
