DIE Oudtshoorn Polisie ondersoek ’n klagte van diefstal nadat ’n 70-jarige man R12 000 kwyt is toe sy bankkaart Saterdag (20 Maart) gesteel is.
Die bejaarde man se bankkaart is by hom afgerokkel toe hy omstreeks 13:40 die dag geld probeer trek het by die Standard Bank-kitsbank by die Queen’s Mall in Voortrekkerweg, Oudtshoorn.
Volgens kapt Louis Visser, polisiewoordvoerder, is R5 000 na die oorspronklike diefstal op Oudtshoorn onttrek, en ’n verdere R7 000 in George. Geen inhegtenisnames is nog gemaak nie. (Deur Stefan Skapie Goosen)
70-jarige R12 000 kwyt by kitsbank
