’n Voetkundige vir Oudtshoorn

VOETKUNDIGES is hoogs opge­leide en professionele mediese be­roepslui wat spesialiseer in voet­- ver­sorging en die behandeling van alle probleme wat die onderste ledemate affekteer. Hulle ondersoek, diag­noseer, behandel, voorkom en rehabiliteer voetkwale deur ’n reeks behandelingsmetodes, insluitend bio­meganiese en chirurgiese metodes en meer.

Oudtshoorn en die Klein Karoo spog met ons eie voetkundige, Gerda van Rensburg, wat haar praktyk in die Kango Kliniek in St Johnstraat geopen het.

Met net een paar voete om ’n leeftyd te hou, is dit belangrik om goed vir hulle te sorg. Voetgesondheidsprobleme kan deur enigiemand ervaar word, van kinders tot seniors. Mense word dikwels na voetkundiges deur dokters en gesondheids­wer­kers verwys vir konsultasie en be­- handeling as voetprobleme opduik.

Behoorlike voetversorging is van kardinale belang vir diegene met dia­betes as gevolg van langtermyn-komplikasies.

Gerda se praktyk bied ’n toe­ge­wy­de, gespesialiseerde diens om pasiën­te te help om beheer van hul voet­gesondheid te neem, mobiliteit te handhaaf en te verbeter, én voetverwante komplikasies te voorkom.

Behandeling wat sy bied, sluit onder andere die volgende in:
– Drukverwante liddorings en eelte,
– probleem-toonnaels,
– ingroei-toonnaels,
– swaminfeksies,
– gekraakte hakke en droë vel,
– voet-ulserasie,
– neuropatiese beenfrakture,
– pynlike neuropatie,
– sirkulasieprobleme,
– komplekse infeksies,
– biomeganiese probleme, en
– voorligting en advies oor goeie
– voetgesondheid.
Kontak gerus vir: Gerda van Rensburg NDPod(SA), IIWCC(US), PgDip Diab(USW), MSc Diab(USW) 044 272 3405; Kango Kliniek, St Johnstraat 131, Oudtshoorn. (Deur Robert Koen)