Garnett Wicomb
DIE saak teen ’n man van Bridgton wat as Takkelosie bekend staan, is in die Oudtshoorn Streekhof tot 5 September uitgestel.
Pedro Fortuin, ook bekend as “Boyz” van Coetzeestraat, Bridgton, word daarvan aangekla dat hy in die vroeë oggendure van 7 Januarie by die woning van Florence Kok in Coetzeestraat ingebreek en ’n radio en juweelkissie met ringe en ’n hangertjie gesteel het. Hy staan tereg op klagtes van huisbraak en diefstal en ontken skuld.
Kok het getuig dat Fortuin voor haar grootgeword het en dat sy omstreeks 02:00 van ’n gekap aan haar agterdeur wakker geskrik het. Sy het haar in Fortuin in die gang vasgeloop en hy het wegge- hardloop. Juanita Fortuin het getuig dat sy by Kok, haar tante, woon en omstreeks 03:00 die oggend tuisgekom het.
“Ek het gesien dat my draagbare radio en juweelkissie met ’n bangle, hangertjie en memory stick weg was.”
