Man wat na bewering met die dood dreig in hegtenis

Deur Ilze-Mari Gründling
DIE 34-jarige Orian Roberts van Dwarsrivier, Ladismith, wat na bewe­ring boere met die dood gedreig het, is Sondag omstreeks 09:30 deur die Ladismith Polisie in hegtenis geneem.

Volgens ao Jan Cederas, woordvoerder van die Ladismith Polisie, is die omgewing van Dwarsri­vier sedert Dinsdag (14 November) gefynkam en die soektog Sondag in Dankoord voortgesit. Roberts is in ’n verlate huis opgespoor.

Cederas het aan Die Hoorn ’n skermgreep van ’n boodskap op die Facebook-groep, Ladismith, CBL, my dorp, gestuur waarin beweer word dat Roberts boere dreig.

Cederas sê Roberts word aangekla vir die weie­ring om aan sy paroolvoorwaardes te voldoen, aanranding en die besit van gesteelde goedere. Die polisie vermoed goedere wat by hom gevind is, is gesteel. Dit sluit ’n verkyker, gasstoof, potte, kampstoele, komberse, radio en kassetspeler en ’n gereedskapsboks in. Hy het Dinsdag in die Ladismith Landdroshof verskyn.

• 
• 
• 
•