Deur Ilze-Mari Gründling
OUDTSHOORNIETE kan deesdae gratis internet in sekere dele van Oudtshoorn geniet as gevolg van ’n inisiatief van die Wes-Kaapse Regering wat reeds in 2015 geloods is.
Gebruikers kry 300 MB data vir die eerste maand en daarna 250 MB asook gratis toegang tot gov.za-webtuistes. Enigiemand met ’n selfoon, tablet of rekenaar met WiFi-ontvangs kan van die diens gebruik maak. Afhangend van die topografie het die hot spots ’n opvangsgebied van 200 m.
Op Oudtshoorn is gratis WiFi tans beskikbaar by die Oudtshoorn Hospitaal, Bongolethu Biblioteek, Bridgton Biblioteek, Môrester Sekondêr, Langenhoven Gimnasium, CJ Langenhoven Gedenkbiblioteek, Saturnus Primêr, Dysselsdorp Biblioteek, Dysselsdorp Sekondêr en Bridgton Sekondêr.
Hoe om te konnekteer:
• Gaan na device settings op jou WiFi-toestel.
• Soek vir WiFi-netwerke.
• Kies NeoHotspot.
• Kies connect.
Rig navrae aan 086 063 6835 of stuur ’n e-pos aan consumers@neotel.co.za. Meer inligting ook op https://www.westerncape.gov.za/general-publication/switching-public-wi-fi-hotspots-across-western-cape.
