Albei spanne van die Oudtshoorn Rugbyklub het hul vierde agtereenvolgende oorwinnings gehad toe hulle verlede Vrydagaand, 10 Mei, die spanne van Calitzdorp geklop het op die REC in Oudtshoorn.
Die A-span het weggestap met ’n eenpunt-oorwinning van 34 – 33. Jean Russouw is as die speler van die wedstryd aangewys.
Die B-span het ’n oortuigende oorwinning gehad met hul telling van 13 – 6. Heinrich Nathan is bekroon met die speler van die wedstryd-toekenning.
Albei spanne lê tans eerste in die SWD 1ste Liga B met die A-span op 21 punte en die B-span met 20 punte.
Hul volgende wedstryd vind plaas op 18 Mei teen die DKD Eagles by die Oudtshoorn Gevangenis. (Deur Lindi Brill)
Wenstreek vir Oudtshoorn Rugbyklub na oorwinning
Die A-span van Oudtshoorn Rugbyklub na hul oorwinning teen die span van Calitzdorp verlede Vrydagaand op die REC in Oudtshoorn. Foto: Verskaf