Vyf rolbalspelers van die Weermagrolbalklub op Oudtshoorn, Renier Nel, Vollie van Vollenstee, Willem Rooi, Rudie Venter en Sandy Smart, het aan die Weermag Rolbal Kampioenskap in Amanzimtoti deelgeneem. Nel, Venter, Van Vollensteen en Rooi het brons medaljes in die viere- en drieë-spankompetisies verwerf en was algeheel vyfde. Smart is vir die Weermag-vrouespan gekies, Rooi vir die Weermag-ontwikkelingspan, Venter vir die Weermag C-span en Nel vir die Weermag B-span.