Toutrekkers van Oudtshoorn was die afgelope naweek deel van die Eden-toutrekspanne wat aan die SA Toutrekkampioenskappe in Hartenbos deelgeneem het.
Die toue was stokstyf soos Eden medaljes ingepalm het en teenstanders harde bene laat kou het.
Hierdie kompetisie het toutrekkers van regoor Suid-Afrika na die Wes-Kaap getrek en Eden-spanne het skitterend presteer.
Eden se prestasies tydens die kampioenskappe is as volg:
500 kg Dames: Eden A – Premier Goud, Eden B – President Brons.
680 kg Mans: Eden A – Premier 4de.
560 kg Gemeng O/23: Eden A – President Goud.
580 kg Gemeng: Eden C – President Goud.
640 kg Mans: Eden B – President Silwer, Eden
C – President Brons.
540 kg Dames: Eden A – Premier Silwer. (ANGELIQUE ERASMUS)
Trekkers loop hul toue styf teen Eden
Links bo: Die 580 kg gemengde span het Goud verower tydens die SA Toutrekkampioenskappe. Regs: 680 kg Mans, Eden A-span het 4de plek behaal op Hartenbos. Foto’s: verskaf.