DAAR was Saterdag (6 Februarie) groot opwin-ding by die Oudtshoorn Gholfbaan toe die 2021 Oudtshoorn Senior Ope-toernooi van die Suid-Kaapse Gholfunie daar afgeskop het.
Altesame 61 spelers, opgedeel in twee afdelings, van regoor die Suid-Kaap het kom deelneem.
Spelers het onder meer van George, Mosselbaai, Knysna en Beaufort-Wes gekom, met Oudtshoorn se spelers wat die dorp goed verteenwoordig het. Marthinus Oosthuizen van Oudtshoorn Gholfklub het in sy afdeling met die louere weggestap.
Afdeling A is in die medal stroke-formaat gespeel.
Justin Thomas van Oubaai Gholfklub het met 71 punte hierdie afdeling gewen en is gekroon as se-nior ope-kampioen, gevolg deur Andrewe Procter van Simola Golf & Country Estate op 72 in die tweede plek, en Gerrit Janse van Rensburg van Oudtshoorn Gholfklub en Deon de Villiers van Pinnacle
Point Gholfklub – albei met 74 punte – gesamentlik in die derde plek.
Janse van Rensburg was die enigste Oudts-hoorniet in hierdie groep.
In afdeling B het spelers in Stableford-formaat deelgeneem.
In teenstelling met tradisionele puntestelsels, is die doel hier om die hoogste telling aan te teken.
Oosthuizen het hier seëvier met 40 punte, maar moes die eerste-plek deel met Ruben James van Beaufort-Wes Gholfklub. Hulle is gevolg deur Ockie Horowitz, ook van Oudtshoorn Gholfklub, en Clive Kaptein van Mosselbaai Gholfklub op ’n telling van 39 elk; en Conroy Mulder (Oudtshoorn Gholfklub) en Theo Adams (Mosselbaai Gholfklub) op ’n telling van 38 punte elk.
Ander Oudtshoorniete wat hier deelgeneem het was Arthur Manuel (36 punte), Patrick Wagenaar (35), Janse van Rensburg (34) en Charl du Plessis (32). (Deur Stefan Skapie Goosen)
Ope-gholf op Oudtshoorn
Justin Thomas van Oubaai Gholfklub is Saterdag 6 Februarie gekroon as die Suid-Kaap Gholfunie se Oudtshoorn Senior Ope-kampioen. Foto verskaf