Oudtshoorn se Jukskeiklub het verlede Saterdag, 7 September, hul derde jukskeitoernooi by die De Jager Sportkompleks in Oudtshoorn aangebied.
Die dag was weereens ’n reusesukses met 12 spanne wat ingeskryf het. Spanne van Hartenbos, Danabaai, Gouritzmond, Riversdal en Beaufort-Wes het saam met ses spanne van Oudshoorn deelgeneem.
In die A-afdeling het Hartenbos A3 gewen met 51,5 punte. In die B-afdeling het Danabaai eerste geëindig met 51 punte en Danabaai C het die C-afdeling gewen met 52,5 punte.
Oudtshoorn se Jukskeiklub gaan Saterdag, 14 September, in Riversdal deelneem. Volgens Lulu Zeeman groei die klub sterk en hulle is baie opgewonde en dankbaar daaroor.
Drie klublede, Hercules Kritzinger, Lulu Zeeman en Magda Davel, gaan volgende maand afrigters- en skeidsregterskursusse bywoon. (Deur Lindi Brill)
Jukskeiklub groei van krag tot krag
Bo: Magda Davel by Lulu Zeeman. Davel is as speler van die wedstryd aangewys. Foto: Verskaf