Dwayne van Rooyen, woelige skrumskakel van die All Blacks Rugbyklub se B-span, druk Saterdag een van sy span se vier drieë in hul oorwinning van 29-8 oor Harlequins in ’n SWD Presidentsliga-wedstryd op die Bridgton Sportgronde. • All Blacks A het Harlequins A in ’n taai stryd met 19-15 geklop. Foto: Ebenezer Titus
DIE A-span van Bidgton Rugbyklub het Saterdag (18 Maart) in ’n SWD Premierligawedstryd op Pacaltsdorp met 24-39 teen Evergreens verloor.
Bridgton se Anver Venter (senter), Wayne Julies (flank), Cheslin September (haker) en David Goliaths (plaasvervanger) het elk ’n drie gedruk. Venter het ook geslaag met ’n doelskop. Adriaan Booysen (plaasvervanger) het een drie verdoel.
• Bridgton B het Evergreens B met 10-8 geklop. Conroy Tiemie (senter) het ’n drie gedruk en Adriaan Booysen (buitesenter) het die drie verdoel en ook ’n strafdoel behaal.
Bridgton C het Evergreens C met 15-12 geklop. Autrige Tiemie (vleuel) en Ronald Bratz (flank) het elk ’n drie vir Bridgton gedruk en Thiren Stofela (losskakel) het ’n doel- en ’n strafdoel aangeteken.