DIE ligaspanne van die Wesbank Tennisklub het Saterdag 17 Oktober op hul tuisbane gemengde sukses behaal in die A-liga mans- en vroueligakompetisie van die Eden Tennisvereniging.
Die vroue A-span het die span van Great, van George, oortuigend met 4-1 geklop terwyl die B-span vir Rustdene van Beaufort-Wes met 5-0 verslaan het.
Die mans A-span het egter teen Rietbron vasgeval en met 1-4 verloor.
Die volledige uitslae lyk soos volg.
Vroue Eersteliga – Wesbank (4) teen Great (1):
Enkelspel – Christine van Coller klop Maeike Ferreira 6-2, 6-0; Retha Matthee klop Ilé Lategan 6-4, 6-2.
Dubbelspel – Rida Bester en Karin Deltenre klop Lizelle Fourie en Angelica Stols 6-0, 4-6, 10-6; Christine van Coller en Rida Bester klop Maeike Ferreira en Angelica Stols 6-2, 6-4; Retha Matthee en Karin Deltenre verloor teen Lizelle Fourie en Ilé Lategan 5-7, 6-7.
Mans Eersteliga – Rietbron (4) teen Wesbank (1):
Enkelspel – Albert Eybers klop Marcelle Petzer 6-4, 7-5; Kurt Eybers klop Zander Petzer 6-4, 6-1.
Dubbelspel – William Eybers en Tiaan Theron klop Jacques De Beer en Dirkie Potgieter 6-4, 1-6, 5-7; Albert Eybers en William Eybers verloor teen Jacques de Beer en Marcell Petzer 6-1, 4-6, 5-7; Kurt Eybers en Tiaan Theron klop Zander Petzer en Dirkie Potgieter 6-3, 6-4. (Deur Garnett Wicomb)
Gemengde sukses vir Wesbank se ligaspanne
