Deur Ben du Preez
DIE Bridgton Rugbyklub se eerste span het Saterdag vir Silver Stars oortuigend met 42-12 op George geklop om met 60 punte sy tweede plek op die SWD Premierliga-punteleer te verstewig.
Die span se puntemakers was Charlston Ewerts (vleuel) wat twee drieë gedruk het, en Ganfried May (senter), Grahame September (skrumskakel), Jolin Saptou (flank) en Ruahl Lewis (slot) wat elk een keer agter die doellyn gaan kuier het.
Anver Venter (heelagter) het ’n slaagsyfer van 6 uit 6 doelskoppe behaal.
Bridgton B het Silver Stars B met 17-14 geklop.
Warren Malgas (heelagter), Kurt Rhode(vleuel) en Ricardo Davids (plaasvervanger-flank) het elk een drie gedruk en Lavano Nathan (losskakel) het met een doelskop geslaag.
Bridgton C het met 13-10 gewen. Die span se punte is aangeteken deur Anrich Daniels (senter) wat twee drieë gedruk het en Merkayvin Micheals (heelagter) wat met ’n strafdoel geslaag het.
Bridgton speel eers weer op Saterdag, 5 Augustus, wanneer hulle die Maori’s op die Rec pak.
