BRIDGTON RFC het die afgelope Saterdag weer bewys waarom hulle as een van die dorp se gewildste en mees ondersteunde rugbyspanne beskou word toe hulle Heidelberg RFC in ’n opwindende reeks wedstryde aangedurf het.
Met twee oorwinnings uit drie wedstryde het Bridgton se spelers en ondersteuners genoeg rede gehad om trots huis toe te gaan.
Die dag het uitstekend begin vir Bridgton se C-span wat van die eerste fluitjie af beheer geneem het. Met vinnige balhantering, goeie verdediging en uitstekende spanwerk het hulle Heidelberg behoorlik onder druk geplaas.
Die harde werk het vrugte afgewerp toe Bridgton die wedstryd oor- tuigend met 34-5 wen. Die jong spelers het groot karakter en veggees getoon en daarmee die toon vir die res van die dag aangegee.
Die B-span het daarna in ’n taai en spannende wedstryd teen Heidelberg te staan gekom. Albei spanne het mekaar geen duim gegee nie en die wedstryd het tot die laaste minute in die weegskaal gehang. Bridgton het hard baklei en goeie rugby gespeel, maar ongelukkig het Heidelberg in die doodsnikke daarin geslaag om die wedstryd met 24-20 te beklink. Ten spyte van die nederlaag het die B-span se vasberadenheid en deursettingsvermoë beïndruk.
Die A-span het egter seker gemaak dat Bridgton die dag op ’n hoogtepunt afsluit. Met sterk voorspelerspel en gevaarlike aanvalle het hulle Heidelberg geen kans gegee om momentum op te bou nie. Bridgton het uiteindelik ’n indrukwekkende 39-29 oorwinning behaal en daarmee hul ondersteuners behoorlik laat juig.
Nou wag daar egter ’n groot uitda-ging op Bridgton RFC wanneer hulle komende Saterdag teen Barbarians RFC te staan kom. Ondersteuners kan beslis uitsien na nog ’n dag van harde, opwindende rugby waar Bridgton weer hul trots en passie vir die spel sal wil wys. (GRANWILLE GOLIATH)
Bridgton RFC wys weer hul staal teen Heidelberg
Foto verskaf.