Laerskool Wesbank wen kriekettoernooi

Foto bo: Laerskool Wesbank wat die wenners van die toernooi was. Voor van links is Logan Ellis, Lian Verwey (kaptein), Pieter Grimbeek (afrigter) en Hendre Botes. Agter is Ricky Julies, AJ Swart, Jovandre Pietersen, Anton Barnard, Abrie Espach en Jacques Berry. In die foto onder is Acelino Beukes, van Laerskool Laurus wat as bouler van die dag aangewys is. Foto’s: Verskaf

LAERSKOOL Laurus het verlede naweek ’n ses-aan-’n-kant-kriekettoernooi aangebied wat deur Laerskool Wesbank gewen is.

Lian Verwey is as kolwer van die dag aangewys. Laerskool Laurus het die tweede plek gewen, met Acelino Beukes wat as bouler van die dag aangewys is.

In die derde plek was Laerskool Nico Brummer van Beaufort-Wes. (Deur Lindi Brill)