Die sekuriteitsfirma, GAP Management, het Dinsdag 18 Februarie rugby- en sokkertruie, hemde en sportbroeke aan ongeveer 75 spelers van vyf behoeftige skole oorhandig.
Die afrigters van die spanne het ook rugsakke vir spanbenodighede ontvang.
Leerders en onderwysers van Laerskool Bergsig, Aurial-kollege, Rooiheuwel Primêr, Eljada-Kairos en Dysselsdorp Sekondêr het die sportklere by ’n geleentheid in Eljada-Kairos se saal ontvang.
Volgens Clarice Louw, projek-koördineerder by GAP Management, is hierdie skenking deel van hulle gemeenskapsbetrokkenheid en verbintenis om sport onder die jeug te bevorder. (HANNES VISSER)