VOLGENS die nuutste Covid-19-syfers wat gister deur die Wes-Kaapse Departement van Gesondheid bekend gemaak is, staan die totale aantal bevestigde gevalle (sedert die aanvang van die pandemie) vir die Groter Oudtshoorn nou op 1 087.
738 mense het al herstel met 293 aktiewe gevalle. Volgens die syfers wil dit voorkom of daar reeds 56 sterftes was.
In Kannaland was die totale aantal bevestigde gevalle teen gister 102, met 95 mense wat herstel het, 6 aktiewe gevalle en 1 sterfte. In Prins Albert is daar 16 bevestigde gevalle tot dusver met 11 mense wat herstel het en 5 aktief.
