Petro se 1ste uitstalling was haar droom

PETRO STROEBEL, bekende Oudtshoorniet, het verlede week op 70 jaar ’n droom vervul met haar eerste kunsuitstalling in die Prince Vincent-gebou op Oudtshoorn.

Petro het aanvanklik onder Rika Venter, die bekende skilder en kunskenner, se leiding gewerk. Sy het vertel hoe spesiaal dit is vir haar as nuwe kunstenaar was om soveel mense by die twee openingsaande Donderdag- en Vrydag­aand (4 en 5 November) te sien, en hoe die vinnige verkope van haar skilderye haar verder aanmoedig.

Venter sê dat Petro ’n gebore kunstenaar is. “Die sukses van haar kunswerke toon haar veelsydigheid en word ook bewys deur die spontane verkope op die openingsaand,” het sy gesê.

Petro se werke bevat elemente van post-impressionisme en kubisme, met ’n selfstandige benadering van warmte, wat lewe bring, met ’n tydlose element. (Deur Stefan Skapie Goosen)

• 
• 
• 
•