’N VROU van Colridge View-Oos het Donderdag (23 September) ’n noue ontkoming gehad toe sy met haar voertuig by haar erf in Van der Merwestraat wou indraai en ’n Volkswagen Polo wat haar wou verbysteek, haar voertuig op die regter- voorwiel getref het.
Volgens die vrou, Sophy Moos, het sy haar boeglam geskrik.
“Ek kon dood gewees het of ernstige beserings opgedoen het indien die Polo my voertuig op die regter-voordeur getref het.
“Dis net genade en ek is baie dankbaar,” sê sy.
Volgens haar was haar motor se rigtingwyser aan en was sy reeds besig om by haar inrit in te draai toe die Polo haar tref.
Sy sê die jong bestuurder van die Polo het net so groot geskrik, haar om vergifnis gevra, en haar meegedeel dat hy nie oor ’n rybewys beskik nie.
Noue ontkoming vir Coleridge-vrou
Die beskadigde voertuig van Sophy Moos van Van der Merwestraat, Colridge Uitsig. Foto:
Elroy Wicomb