Die matriekafskeid is verby en die matrieks is druk besig met hul eindeksamen, maar die mooi herinneringe aan dié besondere aand leef voort. Die Hoorn wil graag vanjaar se matrikulante ’n spesiale plekkie in die koerant gee en nooi ouers en familie om hul matriekafskeidfoto’s in te stuur.
Ouers en familie kry die geleentheid om hul matrikulante se matriekafskeidfoto’s vir publikasie in Die Hoorn in te stuur.
Dit kan ’n foto van die matrikulant alleen of saam met sy of haar matriekafskeidmaat wees. Daar is ook die geleentheid om ’n persoonlike boodskappie van ongeveer 50 woorde by die foto te plaas. Dit is egter opsioneel. Die plasings word teen ’n spesiale tarief aangebied.
Daar is nog net ’n paar dae oor!
Moenie dié geleentheid misloop om jou matrikulant se spesiale oomblik in Die Hoorn te verewig nie.
Belangstellendes moet ’n duidelike foto, die matrikulant se naam, van en skool, asook ’n boodskappie indien verkies, instuur. Die sluitingsdatum vir besprekings is Maandag, 26 Oktober, en die spesiale plasings sal in Die Hoorn van Vrydag, 30 Oktober, verskyn.
Vir besprekings en meer inligting kan belangstellendes ’n e-pos na pro@hoorn.co.za stuur of 044 272 5605 skakel.
Die Hoorn wens intussen alle matrieks sterkte toe met die eindeksamen. Mag al die harde werk en voorbereiding vrugte afwerp! Hoewel die matriekafskeid verby is, verdien die herinneringe steeds ’n plekkie in die koerant.
Laaste kans om matriekafskeidfoto in te stuur
Be the first to comment on "Laaste kans om matriekafskeidfoto in te stuur"