Deur Garnett Wicomb
DIE saak teen twee broers van Oudtshoorn wat aan roof met verswarende omstandighede skuldig bevind is en gevonnis moet word, is weer verlede week in die Oudtshoorn streekhof uitgestel; dié keer omdat hul regsverteenwoordiger nie by die hof kon wees nie.
Terrance en Clint Draai is daaraan skuldig bevind dat hulle ’n man met ’n mes gedreig en van ’n vetkoek, selfoon, R20 kontant en sy ID-dokument beroof het.
Clint Draai het ontken dat hy op die toneel was en eers in die hof van die beweerde voorval gehoor het. Hy dien tans ’n vonnis van ses jaar uit vir ’n ander misdaad.
Terrance Draai het beswaar aangeteken teen die hofprosedure tydens die uitspraak, waarna die saak na die hooggeregshof verwys is vir hersiening.
Die saak dien voor streeklanddros Ntsoki Moni en is Dinsdag tot 2 Desember 2019 uitgestel.
