Bloudruppelstatus vir Oudtshoorn, Kannaland

DIE drinkwater van beide Oudtshoorn en Ladismith voldoen vanjaar aan AfriForum se bloudruppelstatus.

Dié burgerregteorganisasie het van Augustus tot Oktober talle Wes-Kaapse dorpe se water getoets om die gehalte van dié dorpe se drinkwater (blou­druppelstatus) en rioolwater (groendruppelstatus) te bepaal. Al die Wes-Kaapse dorpe se drinkwater wat getoets is, was skoon.

Volgens AfriForum se groendruppeluitslae voldoen agt rioolsuiwe­rings­aanlegte wat ge­toets is, nie aan die mi­- krobiologiese standaar­de nie. Oudtshoorn en George is twee van dié dorpe. “Ons sal dié nie-nakoming verder ondersoek en optree waar nodig,” sê Johardt van Heerden, distrikskoör­di­neerder Boland van AfriForum.

“AfriForum se nasionale blou-en-groendruppelprojek fokus op die stand van dorpe se drinkwater- en rioolaanlegte. Dié projekte fo­kus nie noodwendig op die toestand van die aan­leg self nie, maar op die watergehalte.

“Dié projek was vanjaar belangriker as ooit weens die Covid-19-pan­demie en navorsing wat toon dat dié virus in rioolstelsels opgespoor kan word, wat beteken dat ’n mens brandpunte kan identifiseer.” (Deur Liesel le Roux)